90-day moratorium issued for civilian gun holders

 

Wednesday December 5, 2018 – Kakokon serkali kasarta nebo betushek 90 eng biik chetinyei bundukishek eng eunekwai kokon kariikchatak asi kechigil.

Tetutionoto tetat kotoigei eng tarik 17 arawani,ko tetat kechigil biik tugul chetindoi bundukishek ak kikoch chomchinet anan Licence nebo konom kariikchatak biik chekinyor kariik chetinyei eng ortinwek chetagunotin.

Tetat kondochi tetutionoto kipagengeit nebo Firearms Licensing Board neikoitoi chomchinet eng biikab emet cheikoitoi sometab kikoch bundukishek ak kotelelchi poishetab kariikchatak.

Kakon kateunet Ministry nebo ripsetab kalyet eng emet orit kole kiipchini kakwoutik chekimen biik chemaimongugei akokon kariik chetinyei sikechigil yebek kasaratak.

Kosupkei ak Ministry inoto,ko kikepoisie kariiik chechang chemitei eunekab biikab emet eng ngemetab kalyet ole magat eng biik chetindoi kariikchatak koib Certificates chebo kariik chetinyei asi kechigil.