Selection of students to join schools in counties starts

Tuesday December 5, 2018 – Katoigei eng karonetab rani lewenetab kipsomaninik 999,371 chechutei Form One eng kenyit nenyonei eng sukulishek chebo Extra-County, County ak Sub-Sounty Schools eng emet komugul.

Tetat kotestai tetutionoto akoi betutab Friday wikini.

Kiyoei lewenisionoto eng kebeberwek anan regions 10 ole telelchini tetutionoto ofisaek cheechen kobun Ministry nebo somanet kondochini Principal Secretary Dr. Belio Kipsang.

Eng kebeberta nebo North Rift, kotesetai lewenetab kipsomaninik eng sukulitab tibiik nebo Moi Girls ole kileweni kipsomaninik kobun Counties chebo Uasin Gishu, Elgeyo Marakwet, Nandi, Turkana ak West Pokot.

Eng kebeberta nebo South Rift,kondochini tetutionoto Dr. Kipsang eng sukulitab Afraha High School ole kileweni kipsomaninik kobun Counties chebo Kericho, Bomet, Nakuru, Narok , Baringo, Samburu ak Laikipia.

Tesetai kora tetutiet neu noto eng kebeberta nebo Pwani, Kisumu, Kakamega, Central, North Eastern ak Meru ole kileweni kipsomaninik kobun komaswekchoto ak komaswek chenekitchin.

Kileweni kipsomaninik 128,838 kochut sukulishek chebo Extra-County Schools ak kelwen kipsomaninik 148,215 kochut County Schools.

Eng sukulishek chebo Sub-County Schools, ko tetat kelewen kipsomaninik 722,318 kochut sukulishekchoto ak kelewen kipsomaninik 1,626 kochut sukulishek chebo kipsomaninik chetindoi kewelutik anan Special Needs Schools.

Koibarasta Minister nebo somanet Amb. Amina Mohamed kole chutei sukul kipsomaninik tugul chebo Form One eng kwenutab tarik 7 ak tarik 11 arawet netai kenyit nenyonei nebo 2019.