Maize to remain at Sh2,300 for 90kg bag,Agriculture Ministry says

Thursday December 6, 2018 – Kakomwa ministry nebo kabotisiet kole mawole olietab bandek nebo silling 2,300 eng gunietab kilo 90 nekokon kipagengeitab Strategic Food Reserve ak kosiirto cabinet

Kongololi eng kasarta nekaitita taitab committee nebo bunge netinyegei ak kabotisiet ko kamwa Chief Administrative Secretary eng ministry nebo kabotisiet Andrew Tuimur kole motindoi kamuget eng inguni ko ministry kowal olionoto bo bandek kou ole makotoi alak eng Mps chebo emoni missing ko chebunu kebeberta nebo North Rift.

Eng kasarata ko kamwa Tuimur kole kokelipan kabotik chekiib bandekwak koba chagosiekab serkali kobaten tomo kelipan kityo kabotik chetesetai kochikili kipagengeit neboryen nametab asoya nebo Ethics and Anti-Corruption Commission (EACC).

Akot kou noto ko maboiboenji alak eng membaekab committee inoto teleletab ministry inoto bo kabotisiet eng mwaet kole maiityin komonut mogutikab kabotikab bandek.

Akot kou noto ko kobun nebo ngecheret Adan Haji ne ine ko Mp nebo Mandera South ko kangat committee inoto ministry nebo kaboitisiet koker kole kayai kit agetukul koker kole kakichikil olionoto bo bandek ak kiityi komonut rabisiek chepoisien kabotik eng kabotisietab bandek.