Ex-NHIF CEO Simeon Kirgotty, 2 others arrested

Friday December 7, 2018 – Kakenam neki ofisaiyat neo nebo kipagengeitab NHIF Simeon Kirgotty.

Kakinam Kirgotty kotinygei ak chikilishet netesetai kotinygei ak betetab chepkondok Billion 1.5 eng kipagengeinatak.

Kakinam Kirgotty eng taonitab Nairobi eng karonetab rani koboto ofisaek alak chebo NHIF cheboto Head of ICT Gilbert Gathuo ak Head of Webtribe Robert Mureithi.

Kakimut biikchoto 3 koba keteshetab police nebo Muthaiga kotomo kimut koba keteshetab DCI asi ketepseen.

Kitepseen Kirgotty asi koaror kit neingen kotinygei ak betetab rabinikchatak eng kipagengeinatak bo NHIF.