Hudson Andambi appointed Kenya Pipeline acting MD

Friday December 7, 2018 – Kakolewen Ministry nebo Petroleum and Mining Hudson Andambi koek Managing Director nebo kampunitab mwanik nebo Kenya Pipeline Company eng kasar.

Kakilewen Andambi asi koib poroindo nekonomu Joe Sang.

Eng logoiyot nekakiyokchi koriikab kabarastaet,komwa Principal Secretary nebo Mining Andrew Kamau kole kakilewen Andambi konom poroinoto kosupkei ak nametab ofisaek cheechen chebo kampuninoto cheboto Joe Sang.

Kakinam Joe Sang ak ofisaek alak 4 eng karonetab rani kotinygei ak asoya nebo silingishek Billion 2 nemwaat kele kibit eng kampuninoto bo mwanik.

Tesetai eng inguni ofisaekab Directorate of Criminal Investigations (DCI) kotepseen Sang ak ofisaekchatak 4.

Biik alak chekakinam ak Sang koboto Company Secretary Gloria Khafafa, Head of Procurement Vincent Cheruiyot, Procurement Manager Nicholas Gitobu ak General Manager nebo Infrastructure Billy Aseka.

Koibarasta Sang eng betutab Tuesday kole istoigei eng poroindonyi ole kokon kurset Board nebo Kenya Pipeline kechokchi chikilishet kotinygei ak asoya eng kampuninoto.