Kenya launches plan to provide electricity to all citizens by 2022

Friday December 7, 2018 – Kakolumda serkali tetutiet nebo Kenya National Electrification Strategy netokchingei kogeer kole kakiropchi biik tugul kimnotetab sitimet koitei kenyitab 2022.

Kolumda serkali tetutionoto eng kipagenge ak benkitab World Bank.

Wendi tetutionoto kopoisien ortinwek chenyumnyum chemamochei rabinik chechang eng roptaetab sitimet koityi koriik tugul eng emet.

Alak eng ortinwekchoto ko kepoisie kimnotetab asista eng nyorunetab kimnotetab sitimet.

Kosupkei ak Minister nebo kimnotoshek Charles Keter,ko akoi inguni ko kokeropta sitimet eng kebeberta 75% ole borchinigei serkali koiit kebeberta 100% koitei kenyitab 2022.

Tokchinigei serkali koropta kimnotetab sitimet koityi biik tugul ak koriikab mungaroshek ko oret 1 nebo kekanapta bandaptai eng emet ak kotoret eng kasuldaetab tetutikab serkali chebo Big 4 Agenda.

Eng komastanyi komwa Country Director nebo World Bank Felipe Jaramillo kole chobot benkitab World Bank kotoret emoni koropta kimnotetab sitimet koityi biik tugul eng emet asi kobit bandaptai.