Serikali yatenga bilioni 30 kuimarisha maarifa ya kazi za mikono

Friday December 7, 2018 – Kokotaban Serikali chepkondok Billion 30 chekipoisie eng konetishetab neranik kotinygei ak poishonikab euut eng tokchinetab komutekchi neranik konyor poishonik.

Kamwa President Uhuru Kenyatta kole asi kosulda tetutikab serkali chebo Big 4 Agenda eng emet,konyalu kikoch konetishet neranik kotinygei ak poishonikchoto bo euut chemokotin eng kasuldaetab tetutikchoto.

Kongololi eng kiwanjetab urerioshek nebo Moi Sports Center Kasarani eng igorta nebo Graduation nebo neranik 10,000 chekonyor konetishet kobun tetutiet nebo 2Jiajiri Imitative kobun benkitab KCB, komwa kandondetab emet kole kokonemgeei kogeer kole kabit poroindo nekararan nebo yaetab mungaret eng emet eng tokchinetab kobit bandaptai eng emet.

Komitei igoratak Minister nebo Public Service Prof Margaret Kobia nekomwa kole kokotoi serkali tetutik cheimuktechini kopois serkali ak kebeberta nebo Private Sector eng tetutik chebo kikoch neranik poishonik.

Eng komastanyi komwa CEO nebo KCB Joshua Oigara kole wendi benkitab KCB kokoitoi besendo nebo silingishek Billion 10 eng neranik eng kasartab kenyishek 5 chemitei tai asi komuch neranik kotoi ak kosuldae mungaroshek eng emet ama eng kaimutiet age tugul