US Provides $14.3 Million to WFP to support refugees in Kenya

Friday December 7, 2018 – Kakokon emetab America kobun kipagengeitab USAID toretetab silingishek Billion 1.4 koityi kipagengeitab amitwogik nebo World Food Programme chekitoretee Refugees chesirei 400,000 chekimwechi emoni eng komasta nebo North Eastern.

Kipchechini rabinikchatak Refugees chemitei kampitab Dadaab, Kakuma ak Kalobeyei asi kopoisie eng sobengwai nebo kotugul missing ko eng aletab amitwogik akoi arawetab 2 kenyit nenyonei.

Kotochei toretonoto,kowekta kongoi Country Director WFP Annalisa Conte kosupkei ak toretonoto eng mwaet kole bendi rabinikchatak kotoreti Refugees ichoto kikotestai koityi kaimutiet nebo rerunetab amitwogik.

Eng komastanyi komwa Mission Director eng kipagengeitab USAID Mark Meassick kole baibai emetab America kotoret kipagengeitab WFP ak serkalitab Kenya eng ripsetab Refugees missing ko eng nyorunetab amitwogik kobun tetutiet nebo Bamba Chakula Program.

Tetat konyor familia age tugul nebo Refugees eng kampishekchoto

chepkondok chetesotin chebo kwenutab silingishek 400 akoi 1,400 eng arawet age tugul kobun oretab simet chepoisie eng aletab amitwogik.

Kokoropchi kipagengeitab WFP Refugees chepkondok Million 220 kongete arawetab 10 kenyini kongete silingishek Million 170 chekiroptoi eng arawek 9 chetai chebo kenyini.