We will support Jua Kali artisans: DP Ruto

Friday December 7, 2018 – Kakoyomis serkali kole wendi kotoreti chemungarainikab Jua Kali eng kanaptaetab mungarengwai.

Kongololi eng igorta nebo kabartaetab tugukab Jua Kali eng kiwanjetab Eldoret Sports Club eng County nebo UasinGishu,komwa Deputy President William Ruto kole bo komonut sector nebo Jua Kali eng bandaptai nebo emet ak kou noto koyoei kit age tugul serkali kogeer kole kakikanapta sector inoto.

Kamwa Ruto kole wendi serkali kotou tetutik chetoreti chemungarainikchoto bo Jua Kali asi konyorunee kelchin mungarengwai.

Kacheer Ruto chemungarainikab Jua Kali kotestai ak chobet ak taunetab tuguk chetoreti eng kanaptaetab bandaptai asi konyor borotet emoni.

Kaibarasta Ruto kole kichomchini kipsomaninik chechutei sukulishekab TVETS kotestai ak somanet ak kikoch Certificates yetar somanet kergeei ngomasiryo eng tiemutikab KCPE, tai komuchi koneetgei poishonikab euut chetoreti eng kanaptaetab bandaptai.

Kotoigei igoratak bo kabartaetab tugukab Jua Kali eng tarik 2 arawani ole tetat kowongei eng tarik 10 arawani.

Alak eng kandoik chekamitei igoratak koboto Governor nebo UasinGishu Jackson Mandago,Governor nebo Elgeiyo/Marakwet Alex Tolgos eng kwenutab kandoik alak cheterter.