President Kenyatta’s schedule for Kisumu visit released

Thursday December 13, 2018 – Rutechini County nebo Kisumu eng betutab rani President Uhuru Kenyatta ole tetat kolumda tetutiet netokchinigei kogeer kole kanyor kanyoiset biik tugul anan Universal Health Coverage Program.

Tetat kolumda tetutionoto President Kenyatta eng kiwanjetab Mamboleo Show Ground eng Kisumu kongete sait mut nebo karon ole indochini igoratak eng kipagenge ak kandoindetab ODM Raila Odinga

Nito ko rutoito netai koyoei President Kenyatta eng kebeberta nebo Nyanza kongete ngogatgei ak Raila eng arawetab 3 kenyini ole kitil koisto terchinoshekab polotet akopois eng kipagenge.

Tetat kondochi kora President Kenyatta lumdaetab tetutik cheterter chebo bandaptai cheboto teksetab oret nebo Kisumu – Kakamega Road ak yatetab sukulitab Ken Obura School.

Yeibata noto ko tetat kongololchi biikab emet kandoindetab emet eng komasta nebo Ahero ak Nyamasaria.

Kisuldoen tetutionoto bo Universal Health Coverage eng Counties 4 cheboto County nebo Kisumu, Machakos, Isiolo ak Nyeri kotomo kisuldae eng Counties alak chebo emet eng olietab silingishek Billion 3.9.