Farmers urged to embrace crop diversification

Sunday December 16, 2018  – Tesetai kurset eng serkali kotes olietab bandeek asi konyor kelchin kabotikab emoni.

Kamwa kandoik cheboto MP nebo Kiminini Dr. Chris Wamalwa kole olietab silingishek 2,300 nekoibarasta serkali kole olchinee kabotik bandeek,komito ingony missing ak kou noto konyalu eng serkali kotes olionoto akoi silingishek 3,600.

Kongololi eng kiwanjetab Kitale Show Ground eng County nebo Trans Nzoia,komwa kandoikchoto kole magat ketoret kabotikab bandeek asi konyorunee kelchin kabotishengwai eng mwaet kole kikotestai kobun nyalilda neo.

Eng komastanyi komwa Deputy President William Ruto nekabotogei ak kandoikchoto kole nyalu eng kabotiikab emoni kowal kabotishengwai ak kokol minutik cheterter asi kotes kelchin eng mwaet kole manyalu ketiegeei kabotishetab bandeek inegei.

Kotinygei ak polotet,kosom Ruto kandoik koistoegei polotet nemotoreti kiy akokilchigei poishonikab bandaptai cheipchini kelchin biikab emoni.

Kamwa Ruto kole kikobek kasartab polotet eng mwaet kole poroindo nemitei eng inguni ko kepoisiechi biikab emet.

Akot kou noto kobor kaimetabgei alake eng kandoik cheboto MP nebo Kimilili Didmus Barasa kotinygei ak nekamwa kole mitei alake eng kandoik chemakonyiti Deputy President William Ruto.

Kamwa Barasa kole kokopoisie kandoikchoto Handshake nebo President Uhuru Kenyatta ak Raila Odinga eng oret neya eng mwaet kole nyalu kobit tegisto eng kwenutab kandoik tugul.

Alak eng kandoik chekabotogei ak Ruto koboto Speaker nebo Senate Ken Lusaka, Governor Patrick Khaemba nebo Trans Nzoia, Prof. John Lonyangapuo nebo West Pokot, County MP nebo Bungoma Catherine Wambilianga, County MP nebo Transzoia Janet Nangabo, MP nebo Kaloleni Paul Katana ak kandoik alak chekamwa kole manyalu kerirtae Deputy President kotinygei ak rabishek cheinemu eng tuiyoshekab harambee ak chetoretee kanisoshek.