No deal after all

Sunday December 16, 2018 – Kakoesio kandoindetab Wiper Kalonzo Musyoka logoiywek chemwoei kole kiityi kosyinet ak President Uhuru Kenyatta kokoch kasubet Handshake nekiityi ak Raila Odinga.

Kamwa Kalonzo kole yoei ngalalet ak President Kenyatta asi koityi kosyinet.

Kamwa Kalonzo kole tindoi maget nebo kogeer kole kabit kachomiet ak kipagenge eng emet ak kou noto kokochini kasubet tetutik chebo kichomio biikab emoni chetesetai eng emet.

Kokotestai kobit ngalalet kotinygei ak nee nekingalal Kalonzo ak President Kenyatta ngotkoiyan kopois eng kipagenge eng mwaet kole mayai ngalalet age tugul ak kandoindetab emet kou ole ibwoti biik alake kobate kiiyan eng chamenyi kopois ak Kenyatta eng poishonik chebo bandaptai.

Kangololi Kalonzo eng komasta nebo Isinya eng Kaputiei North Ward eng Kajiado County eng igorta nebo kawektaetab kongoi kosupkei ak lewenetab Joshua Olouwasa ole kasom biik tugul kokoch kasubet Handshake inoto asi kobit kalyet ak kipagenge eng emet.