Kaisirto bunge report nebo chigilenyin kondochi EACC

Tuesday, December 18, 2018 – Kakosirto bunge nebo National Assembly lewenetab Twalib Mbarak koek afisayat neo nelel nebo kibakengeit neindochin borietab asoya nebo EACC

Kaisirto MPs eng kipakenge report nebo chigilishetab Twalib Mbarak nekoimong committee nebo ngatutik ole kamwa MPs kole tinge kayanet inendet kondochi boryet nebo nametab asoya eng emoni.

Kokilewen Mbarak koek CEO nebo kipakengeitab EACC kosupgei ak nekokoit let kasartab Halakhe Waqo nekikonom boroinotok eng kenyisiek 6 chekokosirto.

Kotomo kosirto MPs report inotok, ko kailos Mbarak eng mwaet kole koimuch koityi magutik tugul chemokotin amu tokunotin poishonik chekikoyai eng kipakengeishek cheterter chekikondochi

Kosupgei ak MPs chekaimuch kongalal ak Kass FM International eng sang nebo bunge kokaibata kosirtoetab report inotok, komitei kamongunet neo nebo kosulda boryet neketokchini youtik chebo nametab asoya kosupgei ak lewenetab Twalib Mbarak