Juliet Otieno from Pangani Girls top in KCSE 2018
Friday, December 21, 2018 – Kakibarasta wolutik chebo tyemutikab kenyini chebo KCSE ole kaimuch kondo eng emet komugul Juliet Otieno kobun sukulitab Pangani Girls High School eng county nebo Nairobi
Kosupgei ak wolutichotok kaibarasta Minister nebo somanet Dr. Amina Mohammed, ko kaimuch koek number 2 kipsomaniat nekekuree James Kaluna kobun Maseno School ak koek number 3 Edwin Ouko kobun sukulitab Light Academy
Kamwa Amina Mohemmed kole koimuch konyor mean Grade nebo A kipsomaninik 315 ole kipsomaninik chekanyor mean grade nebo C+ ak kowo barak ko 90, 377
Kaikoito kurset Amina koityi kipsomaninik chemaimuch konyor mean grade nebo C+ ak kowo barak neimuktochini icheget koba University koker kole kachut sukulishekab musoknotet chenootin kou TVETs asikonyor somanet ne imuchi kolongunegei
Akot kou notok ko kamwa Amina kole manyoru wolutikwai kipsomaninik 100 chekokinyor kole kityem kongolso eng tyemutichotok bo KCSE ole tesetai kora chigilishek eng sukulishek cheterter che mwaat kele imuch ko kitinygei ak youtik chemoiyonotin eng kasarta nebo tyemutik
Eng kasaratak ko kaibarasta kipakengeitab TSC kole kokeisto eng poishet konetik 5 chekitinygei ak youtichotok moiyonotin
