Security heightened countrywide during festive season

Friday December 21, 2018 – Kakomwa Inspector General nebo Police Joseph Boinnet kole chobotin ofisaekab police koriib kalyet eng kasari bo igortab Christmas ak toksetab kenyit nelel.

Kamwa Boinnet kole kokeyokto ribiikab kalyet koba komaswek tugul chebo emoni asi koriib kalyet.

Kongololchini siriikab logoiywek eng taonitab Nairobi,komwa Boinnet kole manyalu eng biikab emoni kosich kaiyweishet age tugul kobate koboiboichi igortab Christmas eng oret nemie eng mwaet kole ribotin icheget.

Akot kou noto kosom Boinnet biikab emoni kotoret Police eng ripsetab kalyet ole kacheer icheget komwaita yautik alak tugul chebo ngemetab kalyet asi keib kakwoutik chemokotin.

Insert////Boinnet on security

Eng kasaratak kosom Boinnet biikab emet koriibgei missing eng ortinwek eng kasari chang rutoinwek asi kekirinda nyasutikab oret.

Kamwa Boinnet kole nyalu eng ketiikab karishek kosub ngatutikab oret eng kasarwek tugul asi kekirinda kabetetab sobonwek kobun nyasutikab oret.