Nairobi – Mombasa highway accidents claim 8 lives

Sunday, December 23, 2018

Kaibet sobonwekwai bik 8 eng nyosutik 2 chekabit eng oret neo nengete taonitab Nairobi kotokchinigei taonitab Mombasa

Eng nyosutyet netai, ko kaibet sobonwekwai ofisaek 3 chebo Kenya Defence Forces yekangobet tokchinet lorit nekabunei icheget ak komildagei eng komasta Mukaa eng county nebo Machakos

Kamwa OCPD nebo Mukaa Charles Muthui kole asikarik chekanyor kakotenoshek ko kakilabate koba sipitalitab Machakos Level Five hospital kotomo kimut akoi sipitalitab Moi forces Memorial hospital eng taonitab Nairobi

Eng nyosutytet nebo 2, ko kaibet sobonwekwai bik 5 eng komasta nebo Tsavo yakgnoriachgei karishek chekabunei icheget togoch eng togoch

Kamwa County Commissioner nebo Makueni Mohammed Maalim kole kaibet sobonwekwai eng yotok bichotok ole kariachgei karishek chemengech chekaimuti bichootok.

Kates komwa Maalim kole kalobatos karishechatak eng chepchepindo nemitei barak missing ole kait koriachgei eng kasarta nekatyemei kosirtoe karishek alak chekamitei taingwai.