School opening dates pushed by one day

Monday, December 24, 2018 – Kakobarasta serkali kole kakinaktae kasarta nekiyotei sukul kongete tarik 2 akoi tarik 3 nebo arawet ne nyonei

Kamwa Ministry nebo somanet kole katil koteshi sigik ak kipsomaninik chekiruto eng igorwekab Christmas ak kenyit nelel kasarta nebo betut 1 asikomuch kowegei ak kochopchigei yatetab sukulishek

Kamwa logoiyot nekainde siyet Director General nebo State Department of Early learning and Basic Education Elias Abdi kole kosupgei ak notok ko tetat keyaat sukulishek eng betutab kwangwan kazi eng wikit ne nyonei ama kosomok kazi kou ole kotetat.

Kiyotei sukulishek eng kasarta nekoibarasta kipakengeitab konetik nebo KNUT kole bendi kongelelchini poishet konetikab emoni yekiyaat sukulishek konerekchini kokwoutyet nekokisipto konetik cheechen cheitei 3,000 koba sukulishek alak

Kosupgei ak sirindet neo nebo kipakengeinatak Wilson Sossion, ko makoi testai ak boisiet konetik eng tamit ne nyonei angot ko maitonon kipakengeitab Teachers Service Commission kasiptoietab konetichotok.