Traffic offenders to face the law

Tuesday December 25, 2018 Kimuti kapkirwok eng chokchinet ketiikab karishek ak chi age tugul nebutei ngatutikab oret asi kirwokchi konamgei ak ngatutikab emoni.

Nito ko kosupgei ak Minister nebo ripsetab kalyet eng emet orit Dr. Fred Matiangi ne kamwa kole kokokanapta police operation eng ortinwekab emoni asi kenam biik chemokonyiti ngatutikab oret missing ko eng kasari chang rutoiwek chebo Christmas ak toksetab kenyit nelel.

Kabit nito eng kasarta nekonam Police biik cheitei 1,300 kotinygei ak lelutik cheterter chebo ngatutikab oret eng operation nekoyai eng oret neo nebo Nairobi-Mombasa Highway.

Kongololi eng keteshetab Police nebo Kayole ole koboibochi Christmas ak ofisaekab police chebo ketesionoto, komwa Matiangi kole mitei poishet ofisaek tugul chebo police asi kokimit ripsetab kalyet eng kasari bo igorwek cheterter ole kamwa kole mitei kalyet neyamat emet.

Kaikoito kurset Matiangi eng Police kopois eng kipagenge ak kandoik eng kokwotinwek asi kobit kekanapta tetutik chebo ripsetab kalyet.

Kabotogei Matiangi ak Inspector General nebo Police Joseph Boinnet ak ofisaek alak cheechen chebo Police.