Tuju to address the media

Wednesday, January 09, 2019 – Tetat kongololchi sirikab logoiwek eng betutab rani sirindet neo nebo chamaitab Jubilee Raphael Tuju.

Konu Tuju ngalalenyi eng sait 2pm nebo bet, betushek tutikin kongete ngoistogei eng poishet rubeiwotab nebop ngecheret eng chamainatak David Murathe kosupgei ak ngalalenyi nekokotestai kokimit kole manyolu eng Deputy President William Ruto kobelchigei ngecheretab President eng lewenishet nebo kenyitab 2022

Tomo kenai kit nemochei kongalalee Tuju kobate kipwotyini kele wendi kongololee bandaptai nebo chamaitab Jubilee nekokotestai koityi terchinoshek

Kakomwa neki MP nebo Naivasha John Mututho kole nyolu keisto eng chamaitab Jubilee MP nebo Gatundu South Moses Kuria ak MP nebo Bahati Kimani Ngunjiri kosupgei ak ngalalengwai nebo konegit kotinygei ak oleyoitoi poishet President Uhuru Kenyatta

Kamwa Mututho kole makat eng MPs ak kandoik tugul chebo emoni, missing ko kobun chamaitab Jubilee kokonyit President Kenyatta amu kikilewen kondochi emoni ak koib bandaptai eng komaswek tugul chebo emet

Kosupgei ak Moses Kuria, ko kikoutyee serkalitab Jubilee komasta nebo Central Kenya akot nganda kinyor kuraishek chechang missing kobun komasatak