D-Day for Form One Admission

Betutap let rani eng tetutietab kagetab kipsomaninikab form One eng sukulisiek kosupgei ak tetutiet ministry nebo somanet eng kabarastaet ne kikakoon eng eng tai.

Yekon koyoatei takonoto bo kipsomaninichoto oin jumatatu komwa minister nebo somanet Dr. Amina Mohamed kole konu ng’alalet eng let kotinygei ak tetutionoto missing kasarata ne kikibwotyin kele nyumnyum komemuch kochut kipsomaninik tugul form one che kieyoe KCPE 2018 kosupgei kaimutiet ne kobit eng musoknotetab NEMIS ne kikurchi kipsomaninik sukulisiek che loen anan ko che mamachei kobot kaimutikab fees.

Koitei amut kasitab ang’wan ko koa kosirto ministry sometab kipsomaninik chesirei elfu 50 che walei sukulisiek che kokikuurchi.