KABOKCHINETAB MAKAWETAB DUSIT

Kibwotyin komi chelesosinik orit eng makawetab Dusit

Kabit kabokchinet nekibwotchini kele bo chelesosnatet eng makawetab Dusit Hotel eng komasta nebo Riverside eng taonitab Nairobi eng saishekab bet eng betutab rani.

Kaibokchi makawanatak chelesoshek chemwaat kele itei 6 eng negit sait sogol nebo koskoling akowiree tuguk chekibwotchini kele Grenades ribiik anan Guards chekaribei makawanatak kotomo kochut orit.

Yeibata noto ko kakasak katiolset neo ak mwokseet eng kasarta nekachutei chelesoshekchoto makawanatak.

Kakiyokto ribiikab kalyet eng chokchinet koba koba komasatak kabitune kabokchino noto ole tesetai ak operation nebo kiterter biik chakaisuldae kabokchino noto ak kesor biik chekerotin eng makawanatak.

Indochini operation inoto ofisaekab Recce Squad chetindoi naet ak ngomnotet neo kotinygei ak kabokchinoshek cheu choto.

Akot kou noto ko kakesor biik chechang chekamitei ofisishek ak koriik alak chebo yaetab mungaret eng komasatak.

Kakoitita kebeberatak ofisaek cheechen chebo police kondochini Director nebo Criminal Investigations (DCI) chetesetai kondochini operation inoto.

Kabit kabokchino noto kenyishek 3 kongete tarik 15 arawet netai kenyitab 2016 yekingobokchi chelesoshekab Al-Shabab asikarikab luget chebo Kenya Defense Forces (KDF) eng komasta nebo El-Adde eng emetab Somalia ole kiibet sobonwek asikarik chechang.

Ends///