NGALALETAB IG JOSEPH BOINNET

Tesetai Police ak operation nekorom eng Riverside Drive

Kasarta nenwach kongeten kotoigei kabokchinet eng makawetab Dusit nemiten komostab Riverside eng taonitab Nairobi ko kaimongei Inspector General nebo Police Joseph Boinett ak kongalal ak siriikab logoiywekeng gotab Jogoo eng kwenutab taonitab Nairobi.

Kakon kayomiset Boinett kole tesetai afisaekab police ak operatoin nekorom kotiemei koiit let kabokchinanotok kibwotyin kobo chelesosnatet.

Kangong Boinett kole eng inguni kondochin operation inotok Commandant nebo GSU Douglas Kirocho Kanja ole kakomuch afisaechotok koboi anan konom kebeberta neo nebo gotab Dusit Hotel.