#RiversideAttack death toll rises to 21

Thursday January 17, 2019 – Kakolany agoi 21 biik chekoibeet sobonwegwak eng kabokchinetab Dusit D2 nemitei eng komosta nebo Riverside Nairobi.

Nito ko kosupgei ak Inspector General nebo police Joseph Boinnet nekongololjin sirikab logoiwek kemoutab amut sait 10pm.

Kamwa Boinnet kole kokinyor borwek alak 6 eng komosata kobitunen kabokchinet koboto afisayat agenge nebo police nekoibeet sobenyin kotesetai konyoru kanyoiset.

Kosupgei ak Boinnet ko biikchoto koibeet sobonwegwak eng kabokchinonoto ko biik 16 chebo emoni,chi agenge nebo emetab Uingereza,chi agenge nebo emetab Amrika ak biik 3 chebo Africa kobaten tomo kenai emet nebo ichek.

Eng kasarata komwa Boinnet kole konyor kakotonosiek biik cheitei 28 ak tesetai konyoru kanyoiset eng sipitalsiiek cheterter eng taonitab Nairobi.

Insert//Boinnet on fatalities

Eng kasarata koiyan Boinnet kole kokonam police biik 2 chekibwotyin ko kotoret chelesosiek kosuldaen kabokchinonoto.

kakinam kwony 1 nenaat kityo ko Kemunto eng komasta nebo Mucatha, Ruaka, Kiambu County ole kakinomchi kot nemwaat kele komenyei chelesoshek chekoisuldae kabokchino noto.

Kakinam chito nebo 2 eng komasta nebo Eastleigh eng taonitab Nairobi ole kakimut icheget koba ofisishek cheechen chebo DCI ketepsee.