Kangogo Bowen,Lessonet victory at the supreme court

Friday, January 18, 2019 – Kanyor kobelisiet eng kapkirwok eng betutab raini Mp nebo Marakwet East Kangogo Bowen ak Mp nebo Eldama Ravine Moses Lessonet kosupgei ak nekawirta kapkirwok neo nebo Supreme Court kirwoget anan appeal nekotokchinigei koeshio lewenetab MPs ichoto 2

Kiwo kapkirwokinotok birindetab kura nekekuree Sammy Kemboi koeshoi tilet nekikon kapkirwok nebo Court of Appeal kole kikilewen Mp nebo Marakwet East Kangogo Bowen eng oret netokunot ole kiwirta kapkirwok inotok tilet nekikakon eng tai kapkirwok nebo High Court kole makilewen MP inotok bo Jubilee eng oret netokunot

Kosupgei ak tilanatak kakon kapkirwok nebo Supreme Court eng karonetab rani, kotesetai Bowen koeku MP nebo Marakwet East amu notok ko kapkirwok nebo let eng chengetab imanda eng emetab Kenya

Eng petition netinyegei ak Mp nebo Eldama Ravine Moses Lessonet ko kikawo kapkirwok neki Mp nebo komosatak Musa Sirma kobaten katii kapkirwokinoto bo supreme court tiletab kapkirwok nebo court of appeal nekimwa kole kikilewen Lessonet eng oret neititaat.

Eng kasaratak kora ko kawirta kapkirwokinotok petition nekotokchinigei kowirta lewenetab MP nebo Embakasi East Babu Owino

Katil kirwokindet Justice Isaac Lenaola kole momitei baornatet neyamat kobor kole kibitz youtik chebo ngolset eng lewenishetab Babu Owino ak kou notok kokimit tilet nekikon kapkirwok nebo Court of Appeal kole kikalel kapkirwok nebo High Court yekingotil kole makilewen inendet eng oret netokunot