Bench of five to rule on appointment of British lawyer

Thursday January 24, 2019- Tetat kokon tilet eng betutab rani kirwogik 5 kotinygei ak angotkonyalu kechomchi ogiliot kobun emetab Uingereza Professor Khawar Qureshi kondochi kesit netinyegei ak Deputy Chief Justice Philomena Mwilu.

Tetat kora kokon tilet kirwogikchoto boto Justice Helen Omondi, Justice Mumbi Ngugi, Justice Francis Tuiyot, Justice William Musyoka ak Justice Chacha Mwita kotinygei ak application nekiikoito Director neindochini kirwogutikab poror Noordin Haji eng kapkirwok komochei kekerta James Orengo ak Okong’o Omogeni komatkotelelchi Justice Mwilu eng kesinoto.

Kiwo kapkirwok Justice Mwilu koesioi kakwoutiet nekiib ofisitab DPP kolewen Prof Qureshi kondochi kirwogenyi eng mwaet kole makilewen inendet eng oret nenomegei ak Katiba nebo emoni.

Akot kou noto ko kimwoch kapkirwok Attorney-General Kihara Kariuki kole maleel ofisitab DPP yekingolewen Prof Qureshi eng mwaet kole kikisub ngatutik eng lewenenyi.

Kosupkei ak Hajji,ko kiityi magutik tugul chemokotin Prof Qureshi kotomo kelewen inendet.