Kakochut kipagengeitab konetik nebo KNUT kipagengeitab kiboitinik nebo COTU

Thursday January 24, 2019 – Kakochut kipagengeitab konetik nebo KNUT kipagengeitab kiboitinik nebo COTU.

Kachut KNUT, COTU eng kasarta nebo 2 ole kikakochut eng tai kobate kiit koistogei.

Kamwa sirindet neo nebo KNUT akora kora ko MP nekikitoror Wilson Sossion kole kaib kakwoutionoto KNUT asi komuch konyor kimnotet kipagengeinatak nebo koborchigei magutikab konetik.

Kongololi eng igorta nekakiyai eng taonitab Nairobi,komwa Sossion kole magetab KNUT ko kogeer kole kanyor imanda konetikab emoni ak kou noto ko katil KNUT kochut COTU asi kimnotet nebo koborchigei magutikchoto.

Kamwa Sossion kole magat eng serkali koriib imandab kiboitinik eng emoni missing ko tesetab melekwogik ole kaibor kamongunet kole bendi konyoru kelchin konetikab emoni kobun kakwoutionoto.

Eng komastanyi komwa sirindet neo nebo COTU Francis Atwoli kole yoei kit age tugul COTU kogeer kole kariib imandab kiboitinik eng emoni.

Kamwa Sossion kole kiketestai kengem imandab kiboitinik eng emoni eng kasarta nekoi eng mwaet kole itei let noto eng konegit kosupkei ak kipagenge netindoi kiboitinik eng emet.

Kikochut kipagengeinatak bo COTU kipagengeishek cheitei 45 cheborchingei imandab kiboitinik eng tokchinetab kogeer kele kanyor

kimnotet nebo kiborchigei imandab kiboitinik ole tindoi Cotu membaek Million 2.9.