Narok// Looming Cholera outbreak

Thursday January 24, 2019 – Kakesom chemungarainik chenomu koriik chemengechen chekioldoen amitwogik eng Sub- County nebo Transmara East kokanapta tililindo asi kekirinda letaetabgei nebo mionwogik cheibu murindo cheboto nebo Cholera anan Kipindupindu eng kebeberatak.

Kamwa ofisaiyat netelelchini tililindab poror eng Sub-County inoto Josphat Sang kole magat eng chemungarainik tugul cheoldoi amitwogik kocheng baronok chebo chikilisietab kanyoiset kobun sipitali kotomo kotestai ak mungarengwai asi keteer mionwogikchoto.

Kabit nito wikishek chengering kongete ngoletagei miondab Cholera eng County inoto bo Narok ole kiibet sobonwekwai biik 2 ak kinya alak chechang.