Maraga vs DCI, DPP and EACC at anti-graft conferece

Friday, January 25, 2019 – Kakomwa kirwokindet neo nebo emoni anan Chief Justice David Maraga kole moisuldoi boryet neketokchini youtik chebo nametab asoya angot komakiyai chigilishet nebo barak ak kikoito baornatet neititaat eng kapkirwok

Kamwa Maraga kole nyolu eng kipakengeishek tugul chetinyegei ak chigilishet cheboto Directorate of Criminal Investigation, Ethics and Anti-Corruption Commission ak Director of Public Prosecution koker kole kaikoito kirwogutik cheititotin eng kapkirwok asikosulda kirwogutichotok

Kongololi eng tuiyet nekingololee kotinyge ak boryet nekitokchini nametab asoya nekakiyai eng Bomas of Kenya, ko kamwa Justice Maraga kole eng kasarwek chemaisulda kirwogutik chebo nametab asoya eng kapkirwok komo nyolu kerirtae kapkirwok kobate nyolu kerirtae kipakengeishechatak kammwa kole mayoei chigilishet neititaat.

Eng kasaratak komwa Maraga kole makichomchini ogilyek konam kirwogutik chechang chetinyegei ak asoya eng mwaet kole kikoipchi noto koeengeei mising kasetab kirwogutik eng kapkirwok

Kamitei tuiyonotok kandoikab emoni chekaindochini President Uhuru Kenyatta ak Deputy President William Ruto ole kamwa President Kenyatta kole makoiyoni serkalinyi kolewen kandoindet age tugul netinyei kirwogutik chebo nametab asoya eng kapkirwok

Kates komwa kandoindetab emet kole makoloo asikiwong kebeberta netai nebo chigilishet nekiyochini kiboitinikab serkali anan lifestyle

audit eng mwaet kole yeibata notok, ketou chigilishet nekiyochini kandoikab emoni ketounee inendet

Kamitei akine tuiyonotok kandoindet nebo chamaitab ODM Raila Odinga ne kamwa kole makat keboryee nametab asoya ne kamwa kole mitei barak eng bunge nebo emoni ak serkalishekab county