DP Ruto directs public entities to comply with order on tenders

Monday January 28, 2019 – Kakongat Deputy President William Ruto kipagengeishek tugul chebo serkali kobarasta kampunishek ak biik chekokonyor tenders kobun serkali.

Kikon ngatutiet President Uhuru Kenyatta eng arawetab 6 kenyit konye kole magat eng kipagengeishek tugul chebo serkali kobarasta logoiywek tugul kotinygei ak tenders cheikoitoi asi konai biikab emet.

Kongololi eng tuiyetab Open Governance Partnerships Forum,komwoch Dr. Ruto Ministry nebo rabinik kokoito listitab kipagengeishekab serkali chetomo kokonyit ngatutionoto koityi Head of Public Service eng kasartab betushek 30 chemitei asi keib kakwoutik chemokotin.

Kosupkei ak Dr. Ruto,keipchini kakwoutik chekimen kipagengeishekab serkali chetomo kokonyit ngatutionoto cheboto kichuchuch rabinik chekitobonchini.

Kailos Ruto Governor nebo Makueni Prof. Kivutha Kibwana kosupkei ak nekiibarasta logoiywek kotinygei ak tenders chebotunotin eng County nenyi eng oretab online kit nekikotoret keyai poishonik eng County nebo Makueni eng oret netagunot.

Eng komastanyi komwa Minister nebo rabinik Henry Rotich nekamitei tuiyonoto kole magat kibarasta ak kikoito tenders eng oretab online asi mabit lembekta ak keisto asoya.

Akot ingandan mitei kipagengeishekab serkali chetomo kokonyit ngatutionoto kikon President Kenyatta, ko kokoba barak koitetab tenders chekiborostoi eng oretab online ole akoi inguni ko kikebarasta

tenders cheitei 7,805 chebo olietab silingishek Billion 55.8 che kikikoito eng suppliers 4,477.