Wambora survives petition yet again

Wednesday, January 30, 2019 – Kakowirta kapkirwok neo nebo Supreme Court kirwoget nekotokchinigei koesho lewenetab Governor nebo Embu county Martin Wambora

Katil kapkirwok inotok kole maititaat kirwoget nekiikoito Lenny Kivuti nekiibelchinigei boroinotok eng lewenishet nekosirtoi olekokamwochi kapkirwok kole kikichoree inendet kuraishek eng lewenishonotok

Kataach tilanatak eng boiboiyet neo Governor Wambora ole kaiwekchi kongoi ogilyekchi chekitoret inendet kotkosulda kirwoget notok

Kongololchini kasubikchi eng sang nebo kapkirwok nebo Supreme Court eng taonitab Nairobi, ko kamwa Wambora kole wendi kokilchinigei poishonikchi eng mwaet kole ngolbelis eng lewenishet, ko kikimut inendet kapkirwok nebo High Court, Court of Appeal ak Supreme Court ak kou notok kotomo konyor kasarta nebo kopoishechi mengikab county nebo Embu

Kawirta kora kapkirwok inotok kirwoget nekotokchinigei koesho lewenetab Governor nebo Nyamira county John Nyagarama nekiikoito Walter Nyambati nekiibelchinigei boroinotok olekisire inendet Nyangarama kuraishek chesirei 6,000