Al shabaab suspects freed in Nyeri Court

Ketyakta kapkiruog nebo Nyeri biik somok che kokimusei kele kitinyge ak kaboktyinet ne kiisuldae chelesosiekab Alshabaab eng 14 Riverside drive ole mitei makaweetab Dusit D2 tarik 15/1/2019.

Kakityakta Abdul Kibiringi, James Mwai ak Habiba Hunshur

Kosupgei ak Kapkruog inoto ko moigoito boarnatet ne yamaat kobor kole kitinygei bichoto ak kabokyinonoto.

Kikochamchi kirougindet Magistrate Nelly Kariuki police kotakogeer bichoto eng ketesyetab police yekin kosom boroindo koyai chigilisiet.

Kiibeet sobonwekwak biik 21 eng kabokyinonoto.

Eng Eldoret ko karaat kapkruog chi akeenge tinyegei ak chelesosnotet.

Karat kiruogindet Senior Principal Magistrate Charle Obulutsa Ramadhan Hadhman kenyisiek 15 eng kit ne kamwa kole asiketer chelesosnotet kosupgei ak kariikab chelesosnotet che kikinyorta ine.

Kikinam Ramadhan eng komastab Kipkaren 16/6/2016.