Wiper Youth Building Bridges

Katestai terchinet eng kwenutab chamaisiekab ODM ak Wiper Party ole kemongei neranikab Wiper, eng kebebertanywa ne naat ko Wiper Youth League ak komwa ichek kole kokotestai chamaitab ODM kobete tekisto chamainoto bo Wiper.

Komwa ichek kole makoi iyan kotestai noto ak ko u noto ko eng kasartab arawet akeenge ne mitei tai kokonu ichek kabarastaet ne konu telelenywa kosupgei ak noto.

Kaesyo ichek ng’olyotab ODM kole kibutok katuiiyetabge nebo NASA yekin komaitita Kandoikab chamaisiekab Wiper, ANC ak Ford Kenya eng kamurtoetab Raila eng president eng kiwanjetab Uhuru Park tarik 30/1/2019.

Kaibor kaimetabgei kora neranichoto kole nga kikokotyetab Raila Odinga ak President Kenyatta ko kitokyingei kotuiyo biikab emoni kokoboisie ODM kotaban agot chamainoto bo Wiper