Health services paralyzed as nurses begin strike

Monday February 4, 2019 – Kakoimokiis tetutikab kanyoiset eng Counties 23 chebo emoni kosupkei ak nekatoi kanyoik chenootin kou Nurses kongelelchi poishet eng Counties ichoto.

Katoi kongelelchi poishet Nurses ichoto eng betutab rani komochei kikoch icheget allowance cheterter cheboto Nurse Service Allowance ak Uniform Allowance kou eng kayonchinet nekikiityi eng kenyitab 2018.

Kokon Notice kipagengeitab Kenya National Union of Nurses eng wikit konye kole tau kanyoikchoto kongelelchini poishet kongete betutab rani eng counties 23 kosupkei ak netomo kisuldae magutikwai.

Koikimit sirindet neo eng kipagengeinatak Seth Panyako kole mawekchinigei poishet kanyoichoto akoi kisuldae magutikwai.

Alak eng Counties chekakoityi kaimutik kosupkei ak strike inoto koboto Nairobi, Elgeyo/Marakwet, Trans Nzoia, West Pokot ak Kisumu.

Kayai kambagetab kalyet kanyoikchoto eng Nairobi,Kitui ak komaswek alak komochei kekosyi rireekwai.

Insert///Nurses on demo

Akot kou noto kotesetai tetutikab kanyoiset kou kotugul eng Counties 3 cheboto Machakos, Mombasa ak Migori kosupkei ak nekokosuldae serkalishekab Counties ichoto magutikab Nurses chepoisie eng Counties ichoto.

Tesetai kora tetutikab kanyoiset eng Counties 21 kosupkei nekokobor magetab kosuldae magutikab kanyoikchoto ole kaikoito kateunet Panyako eng Counties ichoto kosuldae kayomisengwai anan kongelelchi poishet Nurses eng Counties ichoto.