Kalonzo in hot soup over presidential term limit remarks

Tesetai kobitu ngalalet kotinygei ak ngalalet nekokon kandoindetab Wiper Kalonzo Musyoka kole nyalu ketes kasarta nemagat kondochi emet President eng emoni.

Kamwa alake eng MPs cheikochini kasubet rubeiywotab President William Ruto kole mitei tetutikab kindochi Ruto kanagutik asi maibelchigei ngecheretab President eng lewenishet neo nenyonei.

Kosupkei ak Senator nebo Nandi Samson Cherargei,ko ngalalet netokchinigei keyochi wallet Katiba nebo emet kobun kura nebo referendum kotindoi ungotiet netomo kemwoch biikab emet.

Kaikoch kasubet ngalalanatet alake eng MPs kobun chamaitab Jubilee cheboto MP nebo Lang’ata Nixon Korir,MP nebo Kikuyu Kimani Ichung’wa ak MP nebo Starehe Charles Kanyi chekamwa kole ngalalet nekomwa Kalonzo kole nyalu ketesyi kasarta President Uhuru Kenyatta kotestai kondochi emoni komaiyanat amu maibu kelchin eng biikab emoni.