Parliament resumes Tuesday afternoon

Monday February 11, 2019 – Tetat koweckhigei poisionikchik chebo kotugul bunge tuwai noto ko National Assembly ak Senate eng betutab karon kasitab aeng.

Poisiet netai netindoi bunge ko kolewen membaek chebendi kochutei committee nebo bunge nebo House Business Committee ne ntoo ko committee netetei poisionik chetetat kisuldaen eng taitab bunge.

Kosupgei ak noto ko tetei katuiyetabgei nebo NASA koisto Mp nebo Emuhaya Omboko Milemba eng committee inoto ak koinde Mp nekikitororor Godfrey Osotsi.

Akot kou noto komawolei chamaitab Jubilee membaekchik eng committee inoto kobaten tesetai komitei eng committee inoto Mps cheboto Amos Kimunya (Kipipiri), Joyce Akai Emanikor (Turkana County Woman Rep), Shadrack John Mose (Kitutu Masaba) ak Kawira Mwangaza (Meru County Woman Rep)

Eng kasarata kokoikoito kora ODM ak Wiper kainaikab Mps Mishi Mboko (Likoni) and Makali Mulu (Kitui Central) kotestai kotebi eng committee inoto.

Alak eng poisionik cheigeni bunge koboto siretab billit nebo Statistics bill netetat kengalalen asikisirto.

Billitnoto kotinyegei ak koitisietab biik anan census netetat keyai eng arawetab 8 eng kenyini.

Tetat kora kongalalen bunge Budget Policy Statement ak Supplementary Budget koboto IEBC Amendment bill ak Public Finance Management bill eng kwenutab alak