We will ensure 100% transition

 

Tindoi poishet kandoik tugul nebo kotoret serkali kogeer kole kachut Form One kipsomaninik tugul chekoyoei KCPE eng kenyit konye.

Nito ko kosupkei ak Deputy President William Ruto nekamwa kora kole mamitei amunee asi maba sukul lagok tugul asi kotestai ak somanet eng mwaet kole magat keyai kit age tugul kegeer kele kaba sukul lagok tugul.

Kosupkei ak noto kokoito kurset rubeiywotab President eng kandoik missing ko MPs kogeer kole kaikoch toretetab Bursary kipsomaninik chemaimuchigei kobun legutab bandaptai nebo CDF asi komuch kotestai ak somanet.

Kabit nito eng kasarta nemwaat kele tomo kochut Form One kipsomaninik tugul chekoyoei KCPE eng kenyit konye ole kokotoi serkali kocheng kipsomaninikchatak.

Ko ngololi eng kanisetab PEFA Church eng South B, Nairobi eng sautikab Jumapili ole koiteechi kora konetik cheechen chetebei School Fees kobun kipsomaninik chebo Primary ak Day Secondary schools chebo serkali kole kiipchini kakwoutik chekimen.