Nurses vow to defy Uhuru’s order to return to work or get sacked

Wednesday February 13, 2019 – Kasarta nenwach kongeten kongat President Uhuru Kenyatta kanyoik che nurses kowekchigei poisiet koitei kasitab mut sait 8.00AM an keisto ichek eng poisiet ko kakomongei kipagengeitab kanyoikchoto nebo Kenya National Union Of Nurses ak komwa kole mowekchingei poisiet kanyoikchoto.

Kamwa sirindet ne o nebo KNUN Seth Panyako kole nyolu eng nurses komatkonyor kamuiset agetukul eng mwaet kole terot strike inoto eng ngatutik.

Kosupgei ak nebo ngecheret eng kipagengeitnoto bo KNUN Joseph Bwasi ko manyoru nurses ngatutiet agetukul kobun state house kobaten serkalisiekab counties chekisir ichek eng poisiet.

Kongololjin emet President Uhuru Kenyatta eng gotab poror eng karonetab raini ko kangat nurses chetesetai kongeleljin poisiet kowekchigei poisiet amait kasitab mut wikinito anan keisto ichek eng poisiet.

Kangat kora President Uhuru Kenyatta police kenam ak kirwokchi chi agetukul neikochin kamuiset kanyoikchoto matkowekchigei poisiet eng mwaet kole nyolu kisub ngatutik kosupgei ak nekikon kapkirwok nebo kiboitinik ngatutietab kowekchigei kanyoikchoto poisiet.

Akot kou noto ko kamwa kipagengeitab nurses kole tougei eng alake eng counties chebo emoni strike inoto ak kakotonon strike eng counties alak kosupgei ak nekokoityin kosyinet kanyoik ak serkalisiekab counties.