Lusaka Warns Senators: performance will inform Referendum decision on the house

Kakotechi Speaker nebo Senate Ken Lusaka senators chebo emoni koyai boisiet ko u ole magat eng Katiba nebo emoni ak koboisiechi biikab emoni asimait kobwat biikab emoni eng ng’alalet ne tesetai nebo kewal katiba koisto bunge nebo senate.

Kamwochi Lusaka ne kayotei retreat nebo Senate ne tesetai eng Sagana konai kole tilei biikab emoni angot koit keyai kura referendum koisto anan kong’et senate kotiegei ole yotoi boisionikyik senate nguni.

Agot ko u noto ko kaboiboichi ine kiit ne kamwa kole kokotestai koyai boisionikwak senators komie eng ribetab devolution ak tetutik alak che toreti biikab emoni ole kamwa kole nga no kochobot senate eng ng’alalet nebo walet ne tesetai eng emeet.

Karob eun kandoindetab che chang eng bunge inoto Kipchumba Murkomen ole kamwa kole makoi imu senate ng’alaletab biik che ng’ololi eng oret ne makararan agobo senate kobate tesetai koyae boisiokwak bunge inoto ko u ole magat.