Boinnet orders RPC to arrest Kainuk inciters

Monday February 18, 2019 – Kakongat Inspector General nebo police Joseph Boinnet Regional police commander nebo Rift Valley Mongo Chimwaga koyai kiy agetukul neimukoksei koker kole kakiterter ngemetab kalyet nekokotestai kobiit eng komosta nebo Kainuk nemitei eng kiwato nebo Turkana ak county nebo West Pokot.

Eng logoiyot kobun kipagengeitab National Police Service eng oretab twitter ko kamwa kora police kole tesetai chikilisiet eng biik chekokimwaitaen kele tinyegei ak kabeetab biik kotoi boryet eng kebeberata bo Kainuk asikeipchi kokwoutik chebo kerkonget cheboto nebo kenam ak kirwokyi.

Kabiit ngatutietab Boinnet eng kasarta nekokitestai eng weekend nekosirtoi kebaurionji cheywetab risasinik eng kebeberata bo Kainuk chekibwotyin kotinyegei ak chorsetab kaigik.

Eng kasarata ko kaikoito kurset police eng biikab emet eng kebeberata kokoito logoiwek chebo komonut chetoreti police eng kirindaetab youtikchoto bo ngemetab kalyet.