Huduma namba pilot registration kicks off

Monday February 18, 2019 – Tougei eng raini siretab biikab emet eng musoknotetab National Integrated Identity Management System (NIIMS) eng kebeberwek cheterter chebo emet ole tetat kesir biikab emet ak kikochi namba ne naat ko Huduma Namba.

Tetutionoto ketou kisuldaen eng counties 15 chebo emoni kotomo kisuldaen eng emet komugul.

Alake ng counties chetetat kisuldaen tetutionoto eng kebeberta netai koboto Nairobi, Uasin Gishu, Kisii, Kajiado, Baringo, Marsabit, Wajir ak alak.

Alak eng logoiywek che magat kokon biikab emet eng tetutionoto bo siretabgei koboto somanet,siretab poishet,poishonik cheiyoei cheboto kabotishet,katunishet ak imbaret neinomu eng kwenutab logoiywek alak.

Kosupkei ak sirindet ne o eng ministry nebo ribsetab kalyet eng emet orit Dr. Karanja Kibicho,komuchi kosirgei biikab emet eng ofisishek chebo rubeiywekab kirwogik anan ko oretab online ole kikonu nambait nenaat kou Huduma Namba nekipoisie eng nyorunetab services cheterter chebo serkali.

Tetat kolumda tetutionoto Kibicho eng county nebo Nyandarua eng betutab raini.

Kosupgei ak Kibicho ko maimuchi chi age tugul nebo emoni konyor tuguk cheboto kipandook,birth certificate ak tuguk alak chebo komonut angotkomasirgei eng tetutionoto.

Tetat kepoisie rabinik chebo kwenutab Billion 5 ak Billion 6 eng kasuldaetab tetutionoto.