Nurses’ strike

Monday February 18, 2019 – Kawegei kapkirwok eng raini kipagengeitab council of governors ak ministry nebo tililindo eng kirwoket netinyegei ak kanyoik che nurses chetomo kokonyit ngatutietab kapkirwokinoto nekingat kowekchigei nurses poisiet asikotestai ngalalet.

Kasom kapkirwok ogilyekab Council of Governors kirwokchi afsiaek chebo kipagengeitab Kenya National Union of Nurses kosupgei ak nemakonyit ngatutionoto kikon kapkirwok nebo kotelelsi strike inoto.

Kabiit nito eng kasarta nekatoi alak eng counties chebo emoni kongelelji poisiet kanyoik kosupgei ak netomo kokosyin ak serkalisiekab counties ichoto kotinygei ak kasuldaetab kayonjinetab kowek poisiet anan return to work formula nebo kenyitab 2017.

Alak eng counties ichoto katoi strike nurses koboto Bomet, Nakuru, Narok, Kakamega, Busia, Siaya ak alak.

Eng county nebo Bomet ko kamwa nurses kole kikoib kasarta negoi komakitoror kanyoikchoto koboto nemochei kesir ichek eng poisiet koik peramanent.