Fresh registration of Kenyans in 15 counties enters day two

Tuesday February 19, 2019 – Kachut betutab 2 eng betutab rani Tuesday tetutiet nebo siretab biikab emet eng musoknotetab kasati nebo National Integrated Identity Management System (NIIMS) eng Counties 15 eng emet.

Kotoigei tetutionoto eng betutab amut Jumatatu eng Counties ichoto 15.

Kosupkei ak serkali,ko kipoisie Machinishek 31, 500 chebo biometric kits eng siretab biikchoto ole kiibei logoiywek cheboto somanet, kenyishekab chi, finger prints ak logoiywek alak.

Kikochini chi age tugul nebo emoni nambait nenaat kou Huduma Namba nepoisien eng nyorunetab services cheterter kobun serkali eng tetutionoto bo NIIMS.

Komwa sirindet neo eng Ministry nebo ripsetab kalyet eng emet orit Dr. Karanja Kibicho kole kisirei biik eng musoknotetab NIIMS asi kotoret serkali eng tetetab poishonik akokanapta ripsetab kalyet eng emet.

Kotinygei ak kaiyweishet netindoi biik kotinygei ak tetutionoto,komwa Kibicho kole manyalu kosich kaiyweishet biikab emet amu kiyoei tetutionoto eng oret netagunot.

Kisuldoei tetutionoto eng Counties cheboto Nairobi, Uasin Gishu, Kajiado, Baringo, Marsabit, Kisii, Wajir, Kilifi, Tana River Embu, Makueni, Busia, Nyandarua ak Kiambu kotomo kisuldae eng Counties alak.