Murage walks free over KNH bill but must stay away from trouble

Tuesday February 19, 2019 – Kaitiakta kapkirwok chi nebo kenyishek 22 nekokinyor kotiemei komweito lakwenyi nebo arawet 1 eng sipitalitab poror nebo Kenyatta.

Konam ribiik chebo sipitalitab Kenyatta chichoto kiguree Boniface Murage kotiemei komweito lakwanatak asi malipan billitab sipitali nebo silingishek 56,000 chebo lakwenyi nekokinyoii eng sipitalinatak kosupkei ak nekomatindoi kamugetab kolipan billinoto.

Kaikoito kapkirwok kerkongiet nemakisuldoen anan suspended sentence nebo arawek 3 eng chichoto kobate kaikoito kateunet eng inendet koistoegei lelutiet age tugul akoi kobeek kasaratak anan kerat inendet eng korkoret.

Kaitechi kapkirwok Murage kobun kirwogindet Senior Resident Magistrate Caroline Nzibe kole kirotei inendet eng korkoret angotkoyai lelutiet age komabek kasarta nebo arawek 3.

Kongololchini siriikab logoiywek kasarta nenuach kokakitiakta inendet,koweekchi kongoi Murage biik chekotoret inendet kolibonchi billinoto ak chekochengechi ogiliot inendet atkoit kitiakta.

Kabit nito eng kasarta nekokitiakta osotiotab Murage ak lakwenyi eng Kenyatta kosupkei ak toretet nekonyor kobun kipagengeitab Sonko Rescue Team ole kolipan billit tugul nekokiyochei lakwet.