KPR officers killed following an early morning attack in Kapindasum, Baringo South

Thursday February 21, 2019 – Agenge ofisaiyatab Police Reservist eng biik 5 chekabar choriikab kiyagik eng komasta nebo Arabal eng Sub-County nebo Baringo South eng kembout nekaekchini rani.

Kaibokchi choriikchoto kokwonoto eng sait sogol nebo kemboi akobar biikchoto kotomo kochor kiyagik chetomo kenai kele ata.

Kosupkei ak noto kotesetai kobitu ngoiyondit eng komasatak kosupkei ak kabokchino noto.

Akot kou noto kokakeyokto ribiikab kalyet chetesotin koba komasatak asi kocheeng choriikchoto mwaat kele kamweiso kotokchinigei Chepkalacha eng Tiaty East.

Kikotestai kobit yautik chebo chorsetab kiyagik eng komasta nebo Baringo East akot eng kasarta nekikoib kakwoutik cheterter serkali kotonon yautikchoto ole kikebar biik chechang ak ribiikab kalyet eng kabokchinoshek cheisuldoen choriikab kiyagik.