Nigeria///Vote counting underway in Nigeria

Tuesday February 26, 2019 – Tesetai koitisietab kura eng lewenishetab President nekokiyai eng emetab Nigeria.

Kokeiit kuraishek eng ketesioshek chesirei 36 ole tesetai koitisietab kura eng ketesioshek alak.

Iboru walutik chetai anan provisional results kole indoi President Muhammadu Buhari eng kura chekakeiit.

Akot kou noto ko tesetai koesioi walutikchoto kebeberta nebo upinzani eng mwaet kole walutikchoto ko maiyonotin.

Kosupkei ak noto ko tetat kibarasta walutik chebo let eng kasarta nekaiwongei koitishetab kura.

Kokiyai lewenishetab President eng emonoto bo Nigeria eng betutab Jumamos ole kobit chemarget eng komaswek alak chebo emonoto eng betutab lewenishet ole kokibar biik chechang akot ingandan mwoei kipagengeitab African Union (AU) kole komitei kalyet komaswek chechang eng kasarta nekotesetai piretab kura.