Over 30 companies on the spot over 63B EMC dams

Tuesday February 26, 2019 – Kakongat Director nebo Criminal Investigations George Kinoti Directors chesirei 100 chebo kampunishek cheitei 30 koitita taitab DCI eng betutab rani asi ketepsee kotinygei ak teksetab silangoshek 2 chebo beek chebo Arror Multi-Purpose Dam ak Kimwarer Multi-Purpose Dam eng County nebo Elgeyo-Marakwet.

Komwa Kinoti kole biikchoto tetat ketepsee ko chekinyor lipanet asi koyai poishonik cheterter chetinyegei ak silangoshekchoto chekitetat kotoigei teksengwai eng arawetab 12 kenyitab 2017.

Kosupkei ak Kinoti, komagat eng biikchoto koitita ofisishek cheechen chebo DCI eng sait somok nebo karon ole kokon kateunet kole kiipchini kakwoutik chekimen ichek chemokonyiti ngatutionoto.

Magat eng biikchoto koib risitishek chebo lipanet ak kartasishek alak chebo komonut eng kasarta nekitepseen icheget.

Alak eng biikchoto tetat ketepsee ko Directors chebo kampunishek cheboto Silent Night Kenya, Red Court Hotel Company, Azimath Company, Charleston Travel Ltd, Oshwal Wholesalers, Kentainers Limited, Heritage Insurance ak alak.

Kabit nito eng kasarta nemwaat kele kikelipanda chepkondok chesirei Billion 4.9 akot eng kasarta netomo kosulda tetutik tugul chebo teksetab silangoshekchoto ole tomo kikoch lipanet anan compensation biik chetetat kokon imbarenikwai asi ketekchi silangoshekchoto.

Kikitaban chepkondok Billion 63 chekitegeen silangoshekchoto 2 ole tetat kepoisie silangoshekchoto eng kamongunetab kimnotetab sitimet ak kabisisietab imbarenik.