ITEN//Tolgos vs Kimosop

Wednesday, February 27, 2019  – Kakomwa Governor nebo Elgeyo Marakwet Alex Tolgos kole makat kewal kandoinatet nebo kipakengeitab Kerio Valley Development Authority eng chokchinet kosupgei ak koimutik cheterter chekokotestai koityi kipakengeinatak bo KVDA ole kamwa kole kongete ngotoi kondochi kipakengeinatak ofisaiyat neo David Kimosop, ko kikobit koimutik chechang

Kamwa Tolgos kole kikotestai Kimosop kosuldae poishonik eng ortinwek chemoititotin eng mwaet kole motestoi kandoik chebo counties kotomo kisuldae poishonik cheboto teksetab damishek 2 che tetat keteech eng county nebo Elgeyo Marakwet chekokoityi koimutik chechang chebo asoya