Raila, Atwoli call for action against graft perpetrators

Wednesday, February 27, 2019 – Katestai kurset eng President Uhuru Kenyatta koib kokwoutik chekimen chetokchinigei kitonon youtik chebo nametab asoya ak chorsetab rabinik eng kebeberwek cheterter chebo serkali

Kamwa kandoindet nebo chamaitab ODM Raila Odinga ak sirindet neo eng kipakengeitab kiboitinik nebo Central Organization of Trade Unions Francis Atwoli kole kokowo barak missing nametab asoya eng serkali ole kasom kandoindetab emet kochutyi ak koker kole kakiipchi kokwoutik chekimen bik chetinyegei ak youtichotok

Kongololi eng tuiyetab Pan African Trade Unions Anniversary nekakiyai eng taonitab Nairobi, ko kamwa kandoichotok kole makat kenam keipchi kokwoutik kandoik ak ofisaek tugul chekotinygei ak chorsetab rabinik eng tetutyet nebo teksetab damishek 3 che tetat keteech eng counties chebo Nakuru ak Elgeyo Marakwet.

Kabit nito eng kasarta netesetai ak chigilishet Director nebo Criminal Investigations kotinygei ak ne mwaat kele kiibet emoni rabinik billionishek chechnag eng tetutyet nebo teksetab damishechatak bo Itare Dam eng county nebo Nakuru, Arror Dam ak Kimwarer Dam chemitei county nebo Elgeyo Marakwet

Kosupgei ak Atwoli, kochobotin bikab emoni koib kokwoutik angot komanam serkali ak korwokchi kandoik ak ofisaek tugul chekiyinygei ak lelutichotok