FIDA Heads to court over failed Gender Bill

 

Mochei kipakengeitab ogilyek che kwnonyik nebo FIDA Kenya kebut bunge nebo emoni kosupgei ak nemaimuch kosirto ngotutiet nebo Gender Bill netokchinigei koib kerkeindo nebo murenik ak kwonyik eng kandoinatet

Kamwa Executive Director nebo kipakengeinatak Teresa Omondi kole kokotook komotinyei bunge nebo emoni maget age tugul nebo kosirto ngotutionotok ak kou notok konyolu kebut

Kongololchini sirikab logoiwek eng taonitab Nairobi, ko kamwa Omondi kole kosupgei ak nemaimongei MPs eng bunge eng kasarta neko tetat kengalalee Bill inotok koboru kole komitei tetutyet nebo ungot keker kele maisulda motion inotok

Eng inguno kotokchinigei kapkirwok kipakengeinatak asikocheng kaaroretab kapkirwok kotinygei tokchinet ne nyolu keib amu mwoei katiba nebo emoni kole angot komaisirto bunge ngotutionotok bo Gender Bill anan ko ngotutyet age tugul ko nyolu kebut bunge

Eng kasarta neko tetat kengalalee ngotutionotok eng bunge, ko koimongei MPs tutikin ak kou notok komakingalalee ngotutionoto amu makinyor koitet ne makat nebo MPs anan quorum