MPs want IEBC team out over election mistakes

Thursday, February 28, 2019 – Mochei committee nebo ngotutik eng bunge nebo National Assembly kole keisto eng poishet nebo ngecheret eng kipakengeitab lewenishet nebo Independent Electoral and Boundaries Commission Wafula Chebukati ak Commissioners tugul chebo kipakengeinatak eng mwaet kole moititotin poishonikwai

Kosupgei ak report nekoimong committee inotok nekokikoito eng bungee ng koskolingutab omut, ko chang lelutik chekiisuldae kipakengeinatak bo IEBC eng lewenishet neo nekikiyai eng kenyitab 2017

Tetat kongalalee MPs report inotok eng betutab kosomok kazi nebo wikit ne nyonei ole angot kisirto kou ole u, ko makat eng Chebukati ak commissioners tugul koistogei eng poishet

Iboru report inotok kole kibit terchninoshek ak koimutik cheechen missing eng emet kokebata lewenishonotok bo President kosupgei ak youtik chechang chematokunotin chekiisuldae kipakengeinatak chekiipchi kora kowirta kapkirwok nebo Supreme Court wolutik chebo lewenishetab President

Kosupgei ak report inotok koikoito nebo ngecheret eng Justice and Legal Affairs Committee, ko kiit kobet emetab Kenya rabinik chechang kosupgei ak ortinwek chekikipoishee eng aletab tuguk chekikipoishee lewenishet cheboto Kenya Integrated Election Management System anan KIEMS kits ak kou notok ko nyolu keipchi kokwoutik kandoik chebo kipakengeinatak bo IEBC